អ្នកគាំទ្ររឿងភាគតៃវ៉ាន់ “ស្នេហា ៤
ដួង” (Meteor Garden) បានទទួលព័ត៌មានដ៏គួរឲ្យភ្ញាក់ផ្អើលមួយហើយ
គឺការវិលត្រឡប់មកវិញរបស់ក្រុមតារាសម្ដែងទាំង ៤ ដួងនៅក្នុងរឿងភាគ “ស្នេហា៤ដួង”នេះ។
ក្នុង
ឱកាសបុណ្យចូលឆ្នាំចិននេះ ប៉ុស្តិ៍ទូរទស្សន៍តៃវ៉ាន់ Jiangsu
Satellite TV បានប្រកាសថា
នឹងចាក់ផ្សាយការប្រគំតន្ត្រីរបស់ក្រុម F4
ក្រោមបទចម្រៀងដ៏ល្បីនៅក្នុងរឿងភាគ “ស្នេហា៤ដួង”
ដែលមានចំណងជើងថា Meteor Shower (បទចម្រៀងខ្មែរ
“កំដរអូនមើលផ្កាយដុះកន្ទុយ”)។
“ស្នេហា ៤ដួង” (Meteor Garden) ទទួលបានការគាំទ្រយ៉ាងខ្លាំងក្លាមិនត្រឹមតែនៅក្នុងតៃវ៉ាន់ ប៉ុណ្ណោះទេ គឺនៅតាមបណ្ដាប្រទេសប្រចាំអាស៊ីជាច្រើនមានដូចជា ចិន ហុងកុង សិង្ហបុរី ម៉ាឡេស៊ី ថៃ ឥណ្ឌូណេស៊ី ជប៉ុន កូរ៉េខាងត្បូង និងហ្វីលីពីន ក៏ពេញនិយមខ្សែរឿងនេះដែរ។
លើស ពីនេះទៀត ដោយសារតែភាពល្បីល្បាញរបស់គេ ចេះតែមានការកើនឡើងៗ វាបានធ្វើឲ្យក្រុមហ៊ុនទេសចរណ៍តៃវ៉ាន់ បានហៅពួកគេទាំង៤នាក់នេះ ទៅថតផ្សាយពាណិជ្ជកម្មដើម្បីទាក់ទាញទេសចរទៀតផង។ ជាលទ្ធផល តៃវ៉ាន់ទទួលចំណូលបាន ១៤៥លានដុល្លារចូលប្រទេសដោយការយកតារាទាំង ៤ដួងនេះផ្សាយពាណិជ្ជកម្ម។
រឿងភាគ “ស្នេហា៤ដួង” (Meteor Garden) នេះ បានចាក់ផ្សាយលើទូរទស្សន៍តៃវ៉ាន់ដំបូងក្នុងឆ្នាំ ២០០១ ដែលមានតួឯកស្រីឈ្មោះសាន់ ឆាយ សម្ដែងដោយ Barbie Hsu និងតួឯកប្រុសឈ្មោះ តោ មីងសឺ សម្ដែងដោយ Jerry Yan ៕
តើប្រិយមិត្តចង់ទស្សនាសមិទ្ធផលថ្មីរបស់ពួកគេឬទេ?
0 បញ្ចេញមតិ:
Post a Comment